/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

domenica 15 dicembre 2013

Cor crozè - L'opinione di Michelotti dopo Parma - Cagliari 0-0

UN PÄRMA DA SBADACIÄR E CASSANO SARVÉL ZÉRO
PARMA - CAGLIARI 0-0 A n' gh'ò miga ciapè gnan stavolta e a t'ò tirè déntor anca ti… A t'ò miss su la cativa sträda… Be', co' gh'òj da dir? Ch'a vèddor 'sta partida chì m'é gnu la disenteria. Primm témp da scordär, po in-t-la ripréza l'é andäda un cicinén méj, però a j ò visst un Pärma da sbadac'… E Cassano ch'al s'è fat amonir acsì al ne zugrà miga cóntra la Sampdoria? L'é un bón zugadór, d'acordi, mo sarvél zéro, eh?
Insomma Alberto, delusione totale…
Gh'é mäl. Cossta l'éra 'na partida da vénsor, invéci èmma butè via ätor du pónt. Chissà perché i crociati danno l'anima quando giocano contro le grandi e po i fan riddor cóntra il scuädri äd pari livél.
Dimmi di Mirante, va
Par fortón'na ch'a gh'é lu in porta, adésa ormäi, e finalmént, l'é dvintè 'na sicurèssa. Al s'à salvè in-t-un pär d'ocazjón. Dagh séz e méz. 
La difesa?
Suficénta, in generäl, a pärta socuanti distrasjón, cuand j én andè par parpaj. Comunque j àn meritè séz Cassani, Palètta e Gobbi, mentre invéci a capitan Lucaréli mi a gh dagh séz e méz.
Il centrocampo?
È quello, attualmente, il punto debole. A n' gh'é nisón ch'al vaga a presär j avarsäri. Incó a s'é sentì la mancansa 'd Parolo, e anca 'd Gargano. Sèmma sotta Nadäl e a vój ésor bón: séz a tutt tri, Marchionni, Valdés e Acquah, mo a dagh la suficénsa a Valdés "per rispetto".
E là davanti?
Là davanti a gh'é vón ch'al zuga da lu, Biabiany, e n'ätor ch'al zuga par ch'j ätor. E po a t fagh 'na dmanda: gh'éra anca Biabiany in-t-al primm témp? Parchè mi a n' l'ò miga visst, eh? Dopa al s'é dè da fär e l'à anca zbaljè du goll, però pu che därogh séz a n' pos miga dabón. Cassano sarvél zéro al s'é fat amonir e a gh dagh sinch. Suficént invéci Sansone, séz.
E quelli che sono subentrati a partita inoltrata?
Mesbah, al post 'd Palètta, séz, Munari, al post 'd Valdés, sinch. Amauri al post 'd Marchionni, sénsa valutasjón.
Il migliore del Parma?
Lucaréli. E un cicinén Biabiany, mo p'r al secónd témp, eh...
E il peggiore?
Gnan da dir: Cassano
Un voto a Donadoni
Dagh séz, mo nin pos pu 'd continvär a dir ch'al ne dà miga la carica aj so zugadór.
mez
(Si ringrazia Giuseppe Mezzadri per la supervisione delle parti dialettali)


CLASSIFICA DELLA DISFIDA
MZÄDOR 14, MICLÒT 7

Nessun commento: