/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

domenica 8 dicembre 2013

Cór crozè - L'opinione di Michelotti dopo Inter - Parma 3-3

CASSANO AL NE FÄVA ÄTOR CHE SPASÄROS AL NÄZ...
INTER - PARMA 3-3 Äva previsst un parègg' e finalmént a gh'ò ciapè, pu o méno. I crozè j éron drè a vénsor e j én andè in bambola in tri minud in-t-al secónd témp, po par fortón'na Sansone l'à miss il cozi a post… Però èmma zughè in déz… Cassano l'é gnu in camp ch'al paräva l'uomo mascherato e po l'é andè adrè tutta la partida a spasäros al näz, mo con la clasa d'un Navajo, sät, i capanón 'dla Navètta, ah ah ah … al paräva Tachètt al cibach 'd Santa Cróza. Comunque bella partida, séz goll, a m' són divartì.
Caro Miclòt, adesso non gasarti però, eh.
No,  no, mo intant a t'ò sgranfignè un pónt. 
Passiamo ai voti, dai. Dimmi di Mirante.
Séz e méz. L'à fat do parädi importanti e al s'à salvè. 
La difesa?
Benino. Suficénsa pjéna par tutt e cuator, mo a Gobbi a gh' vriss där séz e méz. Séz invéci a Cassani, Palètta e Lucaréli.
Il centrocampo?
Al pu bón 'd tutti l'é stè Marchionni, coll ragas lì a m' pjäz sémpor 'd pu. Superlativo. Sètt e méz. Parolo sètt parchè l'à fat un goll e Acquah, ch'l'à sostituì Gargano, séz e méz.
E le punte?
Finalmént Donadoni l'à capì ch'al gh'à da fär zugär Sansone, che infati l'à fat du goll… E al mérita un bél ot. Biabiany in-t-al primm témp l'éra restè a ca, mo po dopa, in-t-al secónd, al s'é scantè: séz e méz. Cassano, al candlón, sinch. Ma è un cinque di stima, eh?
Il migliore?
Gnan da dir: Sansone.
Il peggiore?
Gnan da dir: Cassano.
E Donadoni?
Bene, séz e méz. Il suo Parma di questo periodo mi piace. I van in camp con grénta, determinasjón, senza timori reverenziali. E po i crozè in coll period chi i gh'àn 'na gran coindisjón fisica. Stasira, in-t-j ultom minud, i zugadór d' l'Inter i  bofävon, i nostor invéci i zugävon ancorra. L'è un  bón sègn.
Mez
(Si ringrazia Giuseppe Mezzadri per la revisione delle parti dialettali)

CLASSIFICA DELLA DISFIDA
MZÄDOR 14, MICLÒT 7

Nessun commento: