/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

sabato 2 novembre 2013

Cór crozè - L'opinione di Michelotti dopo Parma - Juventus 0-1

COLL PARMA CHÌ AL M'É PJÄZÙ
AL N'A MIGA MERITÉ 'D PÈRDOR
PARMA - JUVENTUS 0-1 Èmma pers anca incó, cme cóntra al Gennva, però coll Pärma chì al m'é pjäzù - I s' dan da fär, i loton, j én determiné, con 'na gran vója 'd vénsor... Purtrop la Vécia Sjòra l'à fat un goll, però a n'èmma miga meritè 'd perdor. Incó a n' gh'é njént da rimproverär aj crozè. Però, ragas, fermèmmos con chil sconfitti chì, se no la primma acua l'é néva...
Insomma, dopo questa seconda sconfitta consecutiva, assolvi tutti...
Dabón. J àn fat tutt al posibbil. Però a gh'é al solit problema: in tiron miga in porta... E nisón manda dil bali decénti ad Amauri... Là davanti l'é sperdù cme in-t-un dezèrt. Adésa a gh'é da färos su il manghi e cominciär a fär di pónt, eh?
Vabbè, dai, hai perso la scommessa con me anche oggi... ma mi dispiace di aver previsto la sconfitta: t'al sät, no?
A m' dispjäz anca a mi, però s'èmma pers an n'é miga colpa tovva, l'é colpa 'd coll goll sciagurè. Altrimenti arisson parzè, e con mérit. 
Cambiamo argomento, dai: Mirante.
L'é la nostra sicurèssa in coll momént chì. Al s'à salvè da n'ätor goll. Arìsson pèrs du a zéro... Dagh sètt. Al s'al mérita.
La difesa?
Dónca, in generäl l'à miga demeritè. A m' sént miga 'd där l'insuficensa a nisón. Lucaréli séz e méz, Cassani e Mendes séz.  Mendes in camp l'é stè 'na sorpreza, l'à ciapè al post 'd Felipe che po l'à sostituì.
Il centrocampo?
Biabiany in-t-al primm témp l'à zughè bén bombén, ala fén l'é calè un cicinén, però in definitiva al s' mérita un bél séz e méz. Medesim vót a Gargano, ch' l'à lotè cme un león e a Marchionni. Séz invéci aParolo, incó un cicinén in ombra e a Gobbi.
Là davant invece?
Séz e méz anca a Cassano e séz e méz ad Amauri, ch'al lota sémpor e l'é n'ezempi par tutti. Però l'é abandonè, lì, in méza a l'area 'd rigór.
Due ammoniti anche oggi...
Sì, Mendes e Gobbi e cossti j én il cozi ch'im fan rabir. S'i tirison in porta invéci 'd färos där al cartlén giäld...
Dunque, giudizio generale positivo, tutto sommato...
Dabón. Coll Pärma chì al m'é pjazù, sconfitta a parte.
Il migliore?
Gnan da dir: Mirante
Il peggiore?
Gnan da dir: nisón
E Donadoni?
Dagh séz e méz, l'à miss in camp la scuädra giussta. Però a gh'é sémpor al solit problema: al sta sémpor in silensi, non riesce a dare la carica ai suoi giocatori. Guärda Conte, guärda Mazzarri, guärda Mourinho: i sbrajón continvamént par där la carga aj so zugadór... Mo adésa at salut: vagh a magnär un bél pjat d'anolén... A t'arcordot cla publicitè 'd 'na volta? Se la vostra squadra del cuore ha vinto, brindate con... se ha perso consolatevi con.... Ecco, adèsa a  l'ò cambiäda: se la scuädra dal vostor cór l'à pers consolatevi con un bél pjat d'anolén... 'Ta bén.
Mez
(Si ringrazia Giuseppe Mezzadri per la revisione delle parti dialettali)

CLASSIFICA DELLA DISFIDA
MZÄDOR 8, MICLÒT 6

Nessun commento: