Canzone natalizia del dicembre 2011 dedicata a tutti i parmigiani. Testo e musica di Achille Mezzadri, arrangiamento di Roberto Barrali, Coro delle Voci Bianche della Corale Verdi diretto da Beniamina Carretta. Produzione dell'allora (poi defunto) "Superblog pramzàn" (Pramzanblog di Achille Mezzadri, Parmaindialetto di Enrico Maletti e Stadiotardini.com di Gabriele Majo). Con: Vittorio Adorni, Luciano Armani, Monica Bertini, Mauro Biondini, Alberta Brianti, Robi Bonardi, Paolo Bucci, Giancarlo Ceci, Carlo Chiesa, Claudia Corbani, Zaira Dalla Rosa Prati, Tonino Fereoli, Armando Gabba, Gino e Dino, Gabriele Majo, Enrico Maletti, Corrado Marvasi, Achille Mezzadri, Alberto Michelotti, Edda Ollari, Maria Francesca Piedimonte, Victor Poletti, Francesca Strozzi, Paola Sanguinetti, Lorenzo Sartorio, Maurizio Trapelli (Al Dsèvod, secondo la grafia della Famìja Pramzàna), Daniele Villani, Paolo Zoppi. Riprese di Steve Mezzadri e Pietro Maletti. Montaggio di Steve Mezzadri. Sigle di Pietro Maletti. Realizzazione del video nella Sala Gandolfi della Corale Verdi.

O rondanén'na bjanca njgra e znéla / ch'a t'gir al mónd par costruìrt al nì / par ti che téra éla la pu béla? / parchè la vris andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär. / Int’il gróndi cuànd a pióva / l’àcua t‘ f a la sérenäda / e in-t-il tòrri traforädi / dvénta muzica anca al vént. /O lezgnolén ch’a t’ gh’é la góla dòra / indo ät imparé a cantär csi bén? / Al to gorghègg da ‘dentor tutti al fóra / e il coppiètti alóra is fan l’océn. / J’ò imparé a stär su ‘na pianta / cla se spécia in-t-un laghètt / indo gh’é un izolètta / con di ciggn bianch e morètt. / Tutt il siri là sentiva / i béj cant ädla coräla / e ’l me cór picén al capiva / che csì sól a s’ pól cantär.


domenica 27 ottobre 2013

Cor crozè - L'opinione di Michelotti dopo Parma - Milan 3 - 2

A J Ò GODÙ BOMBÉN: AL GOLL ÄD PAROLO AL M'A RIDÈ
LA VÓZA E GENE GNOCCHI AL L'À CIAPÈ IN-T-AL FRACH 
Parma - Milan 3-2 Oh mo che partida! In-t-al primm témp s'èmma andè ataca al tri a zéro e mi s'éra in paradiz. In-t-al secónd, invéci, a m' són caghè adòs... finn' a cuand, al novantacuatrésim, à sgnè Parolo... Primma a s'éra in cantén'na, adésa a són in-t-al granär.
Vittoria avevi detto, anche se 1 a 0, e vittoria è stata, Alberto. Bravo!
Stavolta a gh'ò ciapè, eh? Mo a l'ultom minud... par fortón'na.  Parolo con al so goll al m'à fat tornär la vóza. Dopa al taljand a l'ospedäl a s'éra un cicinén zò 'd moräl, adésa a m' sént fort cme un león. A s' fa par dir... Comunque sono molto contento non solo perché i crozè j àn meritè 'd vénsor, mo anca parchè, dopo al du a du, coll spiritóz 'd Gene Gnocchi, ch' l'é milanista, l'à ditt: adésa al Milan al vénsa tri a du. Al vräva portär sfiga coll fidentén lì? Be', l'é stè lu a ciapärol in-t-al frach!.... Par fortón'na che al Milan l'é sénsa portér.
Dimmi adesso di Mirante.
Dagh un bél ot, al s'al mérita abondantemént. In-t-la primma pärta 'dla partida an l'é miga stè impgnè, mo dopa al s'à salvè al rizultät do volti.
La difesa?
Cassani sètt, Felipe séz e méz, Lucaréli l'é stè grand, ot. Benalouane l'à zughé poch: séz äd stimma.
E il centro campo?
Biabiany in-t-al primm témp l'ariss meritè ot, mo dopa al ne s'é pu visst. Fallo scendere a sette. Gargano vlontè e tenacia, séz e méz, Marchionni al m'é piazù bombén: sètt e méz, Parolo nóv, l'é sémpor pu determinant. Gobbi sètt e méz.
Le punte erano Cassano e Amauri.
Cassano... nóv. Déz pr'al primm témp, po l'é sparì, mo al s'é fat anca mäl... Amauri generóz cme sémpor, al mérita almeno séz e méz. 
Il migliore del Parma...
Parolo e Cassano. 
Il peggiore?
Nisón.
Un voto a Donadoni
Dagh sètt. Però al mètta su Sansone sémpor trop tärdi...
mez
CLASSIFICA DELLA DISFIDA
MZÄDOR 7, MICLÒT 6
(Si ringrazia Giuseppe Mezzadri per la supervisione delle parti dialettali)

Nessun commento: