Canzone natalizia del dicembre 2011 dedicata a tutti i parmigiani. Testo e musica di Achille Mezzadri, arrangiamento di Roberto Barrali, Coro delle Voci Bianche della Corale Verdi diretto da Beniamina Carretta. Produzione dell'allora (poi defunto) "Superblog pramzàn" (Pramzanblog di Achille Mezzadri, Parmaindialetto di Enrico Maletti e Stadiotardini.com di Gabriele Majo). Con: Vittorio Adorni, Luciano Armani, Monica Bertini, Mauro Biondini, Alberta Brianti, Robi Bonardi, Paolo Bucci, Giancarlo Ceci, Carlo Chiesa, Claudia Corbani, Zaira Dalla Rosa Prati, Tonino Fereoli, Armando Gabba, Gino e Dino, Gabriele Majo, Enrico Maletti, Corrado Marvasi, Achille Mezzadri, Alberto Michelotti, Edda Ollari, Maria Francesca Piedimonte, Victor Poletti, Francesca Strozzi, Paola Sanguinetti, Lorenzo Sartorio, Maurizio Trapelli (Al Dsèvod, secondo la grafia della Famìja Pramzàna), Daniele Villani, Paolo Zoppi. Riprese di Steve Mezzadri e Pietro Maletti. Montaggio di Steve Mezzadri. Sigle di Pietro Maletti. Realizzazione del video nella Sala Gandolfi della Corale Verdi.

O rondanén'na bjanca njgra e znéla / ch'a t'gir al mónd par costruìrt al nì / par ti che téra éla la pu béla? / parchè la vris andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär. / Int’il gróndi cuànd a pióva / l’àcua t‘ f a la sérenäda / e in-t-il tòrri traforädi / dvénta muzica anca al vént. /O lezgnolén ch’a t’ gh’é la góla dòra / indo ät imparé a cantär csi bén? / Al to gorghègg da ‘dentor tutti al fóra / e il coppiètti alóra is fan l’océn. / J’ò imparé a stär su ‘na pianta / cla se spécia in-t-un laghètt / indo gh’é un izolètta / con di ciggn bianch e morètt. / Tutt il siri là sentiva / i béj cant ädla coräla / e ’l me cór picén al capiva / che csì sól a s’ pól cantär.


domenica 6 ottobre 2013

Cor crozè - L'opinione di Michelotti dopo Parma - Sassuolo

I CROZÈ IN-T-AL SECÓND TÉMP J ÉN STÈ "STOICI"
Parma - Sassuolo 3-1 Dopa l'espulsjón, giussta, 'd Mirante, ch'l'à cavsè al rigór, mi m'l' éra vissta brutta. Però in-t-al secónd témp i crozè, in déz, j én stè "stoici" e ala fénn la vitorja l'é städa strameritäda. Incó Cassano l'éra in gran giornäda. L'à fat du "assist" e un goll, co' vriv 'd pu?
Stavolta a gh'ò ciapè mi in pjén, eh? Tri a vó j ò dit e tri a vó l'é stè...
Bravo. Però anca mi äva previsst du goll 'd scärt... Du a zéro... Comunque l'important l'éra vénsor e j  èmma véns. Mo gh'é stè da bruzär parècc' par via 'd l'espulsjón 'd Mirante. È vero, ha commesso il fallo sulla linea, ma la linea fa parte dell'area di rigore e l'arbitro non poteva non dare il penalty.

Dimmi adesso di Mirante e di Bajza che l'ha sostituito.
Mirante, primma 'd l'espulsjón, l'era stè impgnè 'na volta sola e l'ariss meritè un séz. Mo po, dopa la cojonäda 'd Gobbi ch'l'à dè la bala a l'avarsäri, l'à fat n'usida, cme sémpor, in ritärdi. Quindi dagh sinch... A Bajza, invéci, séz e méz. È bravo, l'à fat tre béli parädi, ma è un ragazzo piuttosto freddo, ansi, l'é zlè cme un sambot.
La difesa?
Cassani sensa infamia e sensa lode, séz, Lucarelli sta vivendo una seconda giovinezza, l'é dvintè al peron dla diféza, sètt. E séz a Felipe.
E il centro campo?
Famm miga parlär 'd Gobbi, eh... l'à fat 'na gran cojonäda con coll pasag' dizgrasjè. Par colpa sovva èmma risc'è 'd pèrdor la partida. L'ariss meritè un bél sètt, mo a són costrètt a därogh séz. Biabiany, che adésa l'é plè cme 'n znoc', incó l'éra  mòcch cme 'n óv sbatù, al paräva un véc' arnoch. Apén'na j al tocävon al sigäva ch'al paräva chi l'avisson masè. Dagh sinch. Gargano l'é 'n omm tutt coragg' e vlontè: sètt. Valdés l'é tornè e al n'a fat miga mäl, mo al va sémpor aj du a l'ora. Al ne soléva miga il gambi gnan s'al gh'e mètta su n'elastic... Séz. Parolo tutta vlontè cme Gargano: séz e méz.
Le punte erano Cassano e Palladino.
Cassano... déz. L'é gnu in camp con i guant, e sèmma in otòbbor, a znär co' faràl?: al zug'rà vestì da palombär? Comunque l'é stè grand. Al ne corra miga, però al gh'à 'dla cognisjón. Palladino, povrén, l'äva fat un bél primm témp e anca sgnè un goll, mo po dopa Donadoni al l'à dovù tirär fóra par colpa adl'espulsjón 'd Mirante. Comunque al merita un bél sètt.
Che cosa mi dici dei giocatori che sono entrati in  campo dopo?
Di Bajza ti ho già detto. Rosi ha preso il posto di Biabiany e l'é stè bón bombén, l'à fat un gran goll e al n'à zbaljè n'ätor. Gran béla partida: sètt. Acquah l'à sostituì Valdés, mo l'à zughè poch: sensa valutasjón. 
Il migliore del Parma...
Gnàn da dir: Cassano. 
Il peggiore?
Guärda, a diriss Biabiany.
Un voto a Donadoni
Dagh séz e méz, mo mi a n' capiss miga parché al ne vól mäi fär zugär Sansone...
mez
CLASSIFICA DELLA DISFIDA
MZÄDOR 6, MICLÒT 5
(Si ringrazia Giuseppe Mezzadri per la supervisione delle parti dialettali)

Nessun commento: