/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

lunedì 30 settembre 2013

Cor crozè - L'opinione di Michelotti dopo Fiorentina - Parma 2-2

PAREGG' MERITÈ MO GH'É STÈ DA SOFRIR
FIORENTINA - PARMA 2 -2 Par fortón'na che gh'é stè Sgorbargnón che al gh'l'à missa déntor a l'ultom minud... Oh mama... In-t-j ultom minud a j ò bruzè cme 'n falò n'ältra volta. Però secónd mi l'é stè un parègg' meritè, anca se chilór i s'àn dominè in-t-la seconda pärta 'dla partida. A m'la sentiva ch'la sariss fnida con un parègg', par via dal nummor vintisètt... Al Pärma l'éra stè imbatu con la Fiorentén'na par vintisètt volti, cme al nummor dilj opri 'd Verdi. Agh mancäva l'Inno delle Nazioni par fär vintot. L'èmma sonè stasira...
Miclot, ti sei un po' arrampicato sugli specchi per spiegare questo pareggio, comunque si vede che sei contento, eh?
A son contént sì. Parché l'é stè un parègg' meritè, anca se in-t-al secónd témp èmma sofert un po trop. Però in generäl a j ò visst un bón Pärma. M'é piazù anca Cassano, anca s'al pära un bisón ch'al se sparpaja in méza aj garatón...
Com'è andato Mirante?
A diriss bén. In-t-al primm témp l'é stè poc impgnè, mo dopa l'à fat dil béli parädi. Dagh séz. Mo al continva a gnir mäi fóra dala porta, i n'al tiron fóra gnanca coj bo.
La difesa?
Non male, mo j àn fat di buz cuand j én rivè i goll 'dla Fiorentén'na. Cassani séz, Felipe e Lucaréli séz e mez.
E là in mezzo?
A s' vèdda che Gargano l'é un sjór zugadór. In  coll period chi l'é al pu bón. Al nerita un bél sètt. Mo sètt anca a Gobbi - Sgobargnon. Agh ariss dè séz, mo al mérita sètt pr'al goll ch'a s'a salvè a l'ultom minud.Biabiany sinch, Parolo séz, pr'al bél primm témp e Marchionni séz e méz, un lotadór.
L'attacco?
Cassano séz, mo agh vój regalär do babucci... Palladino séz e méz pr'al primm témp. 
In corso di partita sono entrati Rosi, Sansone e Okaka...
Sansoni al s'é dè da fär, séz, Rosi e Okaka sensa valutasjón
Il migliore del Parma?
A diriss Gargano.
E il peggiore?
Biabiany, oh mama...
Un voto a Donadoni
Dagh séz e méz.
mez
CLASSIFICA DELLA "DISFIDA"
MICLÒT 4; MZÄDOR 3 
(Si ringrazia Giuseppe Mezzadri per la supervisione delle parti dialettali)

Nessun commento: