Canzone natalizia del dicembre 2011 dedicata a tutti i parmigiani. Testo e musica di Achille Mezzadri, arrangiamento di Roberto Barrali, Coro delle Voci Bianche della Corale Verdi diretto da Beniamina Carretta. Produzione dell'allora (poi defunto) "Superblog pramzàn" (Pramzanblog di Achille Mezzadri, Parmaindialetto di Enrico Maletti e Stadiotardini.com di Gabriele Majo). Con: Vittorio Adorni, Luciano Armani, Monica Bertini, Mauro Biondini, Alberta Brianti, Robi Bonardi, Paolo Bucci, Giancarlo Ceci, Carlo Chiesa, Claudia Corbani, Zaira Dalla Rosa Prati, Tonino Fereoli, Armando Gabba, Gino e Dino, Gabriele Majo, Enrico Maletti, Corrado Marvasi, Achille Mezzadri, Alberto Michelotti, Edda Ollari, Maria Francesca Piedimonte, Victor Poletti, Francesca Strozzi, Paola Sanguinetti, Lorenzo Sartorio, Maurizio Trapelli (Al Dsèvod, secondo la grafia della Famìja Pramzàna), Daniele Villani, Paolo Zoppi. Riprese di Steve Mezzadri e Pietro Maletti. Montaggio di Steve Mezzadri. Sigle di Pietro Maletti. Realizzazione del video nella Sala Gandolfi della Corale Verdi.

O rondanén'na bjanca njgra e znéla / ch'a t'gir al mónd par costruìrt al nì / par ti che téra éla la pu béla? / parchè la vris andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär. / Int’il gróndi cuànd a pióva / l’àcua t‘ f a la sérenäda / e in-t-il tòrri traforädi / dvénta muzica anca al vént. /O lezgnolén ch’a t’ gh’é la góla dòra / indo ät imparé a cantär csi bén? / Al to gorghègg da ‘dentor tutti al fóra / e il coppiètti alóra is fan l’océn. / J’ò imparé a stär su ‘na pianta / cla se spécia in-t-un laghètt / indo gh’é un izolètta / con di ciggn bianch e morètt. / Tutt il siri là sentiva / i béj cant ädla coräla / e ’l me cór picén al capiva / che csì sól a s’ pól cantär.


domenica 19 maggio 2013

Cór crozè - L'opinione di Michelotti

VA BE', ÈMMA VÉNS TRI A VÓ, MO IN-T-I PRIMM
TRENTA MINUD A N'ÈMMA GNAN VISST LA BALA...
PALERMO - PARMA 1-3 Sì, a m' són divartì, mo soltant da cuand i crozè i s'én dezdè. Primma difati i siciljan i s'àn tot in méza cme 'n giovedì e i àn avù tri o cuator ocasjón da goll. Par fortón'na stasìra, finn ch'l'é stè in camp, Mirante l'é stè super e l'à parè 'd tutt. 
Insomma, Alberto, decimo posto confermato... In fondo l'obiettivo è stato centrato.
Sì, sì, d'acòrdi, però al Parma ariss podù fär 'd pu in coll campjonät chì... Comunque non voglio far polemica, soprattutto dopo una vittoria così netta. Però, cme al solit, al Pärma l'à sornaciè par cuäsi un témp. Po al s'é dezdè dopa al goll 'd Gobbi. Al gh'à da ringrasjär Mirante, parchè s' l'aviss ciapè du o tri goll in-ti-primm trenta minud, a n' sarissom miga chi a parlär 'd vitorja. Comunque ho visto quattro gol bellissimi.
Quindi un super Mirante, fino all'infortunio...
A t'al pól dir! Anca s' l'à zughè méza partida, al mérita un bél ot e méz d'amblén!
Nel secondo tempo ha giocato Bajza. Che cosa mi dici di lui?
Guärda, senza infamia e senza lode. Dagh séz.
La difesa era formata da Coda, Paletta e Lucarelli...
A dagh la suficénsa pjén'na a tutt tri: séz e méz.
Gli uomini del centrocampo erano Rosi, Parolo, Valdés, Ampuero e Gobbi...
Dónca, a dagh séz e méz a Parolo, Valdés e Gobbi, ch'l'à fat un gran bél goll. Po a dagh séz a Ampuero e invéci sinch a Rosi.
Là avanti, Amauri e Belfodil.
Al solit Amauri, mentre Belfofil al pära ch'al zuga par piazér. Comunque séz e méz a tutt du.
Il migliore del Parma?
A n' gh'é dubbi: Mirante.
Il peggiore?
Rosi. L'éra petnè cme al Pupone, mo al ne gh' riva gnan aj calcagn.
E a Donadoni?
Dagh la suficénsa, mo a fagh fatiga... Stasira al podäva mettor su Morrone, sul tri a vó... Al mister al gh'à la sensibilitè sòtta aj calcagn...
Alberto, hai sbagliato la previsione: avevi pensato a un uno a uno...
Be', cuand a zbalj e al Pärma al véns meritatamént, a són contént l'istés.
mez
(Parti dialettali senza rete per l'indisponibilità del "supervisore" Giuseppe Mezzadri)
ALBERTO ORA IN DIRETTA A "PRONTO CHI PARMA?"

Nessun commento: