O rondanén'na bjanca njgra e znéla / ch'a t'gir al mónd par costruìrt al nì / par ti che téra éla la pu béla? / parchè la vris andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär. / Int’il gróndi cuànd a pióva / l’àcua t‘ f a la sérenäda / e in-t-il tòrri traforädi / dvénta muzica anca al vént. /O lezgnolén ch’a t’ gh’é la góla dòra / indo ät imparé a cantär csi bén? / Al to gorghègg da ‘dentor tutti al fóra / e il coppiètti alóra is fan l’océn. / J’ò imparé a stär su ‘na pianta / cla se spécia in-t-un laghètt / indo gh’é un izolètta / con di ciggn bianch e morètt. / Tutt il siri là sentiva / i béj cant ädla coräla / e ’l me cór picén al capiva / che csì sól a s’ pól cantär.


domenica 12 maggio 2013

Cór crozè - L'opinione di Michelotti

DIR CH'A SÓN DELUZ L'É NJÉNT
MO A SÓN CONTÉNT P'R AL ME AMIGH PIOLI
PARMA - BOLOGNA 0-2 Par vénsor a n' s'pól miga zugär aj du a l'óra e difati al Pärma l'é stè batù dal Bològgna dal me amigh pramzàn Stefano Pioli. A són deluz, deluz, deluz...  A m' dispjäz parchè incó l'éra 'na giornäda 'd fésta, par ricordär al triónf 'd Wembley 'd vint ani fa. Invéci la fésta al l'à fata Stefano. Lu l'à capì finn' dal prinsippi che i crozè i n'én miga bón 'd fär un stop...  
Peccato questa sconfitta, proprio oggi... Allora non è vero che il 12 maggio porta sempre fortuna al Parma...
A t' gh'è ragión. La n' gh vräva miga. E po anca parchè, in fónda, al Pärma in-t-al primm témp al n'äva miga zughè proprja mäl. Po dopa, invéci, l'é sprofondè. Imprecisi, svogliati, vuoti di idee... Ribadisco quello che ti dico ogni volta: s'a s' vól fär di pónt, s'a s' vól zugär dabón al folber a gh' vól grénta, determinasjón. E pensa che a n'èmma mäj tirè tant in porta cme incó...
Mirante ha colpe sul gol subito in apertura di partita?
Forsi un cicinén, mo diriss 'd no. Senza voto.
In difesa c'erano Rosi, Paletta, Lucarelli e Banalouane, sostituito nel secondo tempo da Mesbah. Che mi dici?
Mo guärda, incó darìss sinch a tutti, a pärta al solit Amauri, ch'l'é unnich ch'al se dà da fär. Rosi cuator, Palètta sinch e méz, Lucaréli cuator e méz, secónd mi incó al s'l'é fata adòs... Benalouane e Mesbah sinch... Non ho parole.
Il centrocampo invece era formato da Parolo, Marchionni e Ampuero...
A n' so miga co' dir: sinch anca a chilór. Mo proprja incó a gh'éra da zugär acsì?
Le punte erano Biabiany, Amauri e Belfodil...
Amauri l'é sémpor lu, l'é l'unnich. Biabiany e Belfodil? Famm miga parlär, va... Cimba al guärda sémpor p'r arja...
Il migliore del Parma
L'é facil: sémpor Amauri.
Il peggiore?
L'é facil: tutti, a pärta Amauri.
Un voto a Donadoni
Sinch anca a lu. L'è un bräv omm, par caritè, ma non sa dare la carica ai suoi giocatori. A t' salut, oh mo che béla fésta... A l'ät capida ch'a són rabì?
mez
(Si ringrazia Giuseppe Mezzadri per la supervisione delle parti dialettali)

Nessun commento: