/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

domenica 5 maggio 2013

Cór crozè - L'opinione di Michelotti

FINALMÉNT A GH'Ò CIAPÈ IN PJÉN:
DU A ZERO, A J Ò FAT "BINGO"!
PARMA - ATALANTA 2-0 Ragas, a l'äva ditt, eh? Mi s'éra stuff 'd zbaljär sémpor previzjón e a m' sentiva 'd ciapärogh in pjén. E difati l'é andäda acsì. Mo al mérit a n'é miga me, l'é di ragas, che però in-t-al primm témp j àn fat badaciär
Dopo tanto digiuno di gol, Alberto, finalmente il Parma ha segnato e vinto...
E mi digh: l'éra ora... La n' podäva miga andär avanti cój ti-tic e ti-toc. Però in-t-la primma pärta 'dla partida èmma visst al solit film. E a gh'éra un Biabiany inguardabil... Po finalmént la muzica l'é cambiäda col goll 'd Paròlo, sotta a un zlubbj d'acua. Gh'é stè cuator rimpal e po la bala l'é fnida in goll... Par fortón'na. Po.... è ritornato Cimba!... e Biabiany l'la sgnè, un goll bél bombén.
Dimmi di Mirante, adesso
A gh' dagh sètt parchè al s'à salvè da un goll, mo l'à fat anca n' usìda a vód. Comunque al sètt a gh'al dagh l'istés.
La difesa era formata da Benalouane, Paletta, Lucarelli e Gobbi...
Sì, suficénsa par tutti. Séz e méz al primm, mo sètt a Palètta ch'l'à fat tri o cuator intervént da vér campjón. Séz e méz anca a Lucaréli e séz a Gobbi, al solit sgobargnón.
E là in mezzo?
Là in méza a n' gh'éra miga Valdés e l'é andäda bén. Ovviamente parlo sempre del secondo tempo. In-t-al primm l'éra un dormitori generäl. Dónca: séz a Marchionni, séz e méz ad Ampuero, ch'al zuga méj che Valdés e sètt invéci a Parolo, anca se par fär goll l'é scapusè cóntra la bala...
L'attacco era formato da Amauri, Belfodil e Bibiany
Alóra: sètt ad Amauri par la generozitè, al solit lotadór, un vér campjón. Séz invéci a Beldofil, ch'al n'à miga zughè mäl però l'é un cicinén indisponént cme missa. Infine Cimba - Biabiany: in-t-al primm témp l'äva meritè un cuator meno meno, mo po l'à fat coll bél goll e a gh' dagh séz e méz, ch'a fa rima con la féra 'd Ravadéz.
Ci sono state tre sostituzioni...
Sì, mo j'én tutti sénza valutasjón parchè j àn zughè pochèn: Rosi l'à ciapè al post 'd Belfodil, Strasser, ch'al pär 'na bocia 'dla bociofila, l'à sostituì Ampuero e Boniperti l'é entrè in camp a l'ultom minud al post 'd Biabiany. Donadoni, secónd mi al l'à miss su in omag' ala Vécia Sjòra ch'l'à véns al scudètt...
Il migliore del Parma...
Palètta, un caraco puro!
E il peggiore?
Nessun peggiore oggi, mo in-t-al primm témp sicuramént Biabiany
Un voto a Donadoni
Dagh séz e méz primma ch'a m'intartaja...
E all'arbitro?
Fam miga parlär. O mo che lavór... Prima stava per cacciar fuori Parolo per seconda ammonizione invece era la prima. Po l'à dè al tèrs goll al Pärma e invéci al guardalinee al gh'à ditt ch'l'éra miga goll...
Be', Alberto, quel guardialinee almeno ha salvato il tuo "vaticinio", il 2 a 0...
Difati... Alóra adés a vagh a därogh un bazén...
mez
(Si ringrazia Giuseppe Mezzadri per la supervisione delle parti dilettali)

Nessun commento: