O rondanén'na bjanca njgra e znéla / ch'a t'gir al mónd par costruìrt al nì / par ti che téra éla la pu béla? / parchè la vris andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär. / Int’il gróndi cuànd a pióva / l’àcua t‘ f a la sérenäda / e in-t-il tòrri traforädi / dvénta muzica anca al vént. /O lezgnolén ch’a t’ gh’é la góla dòra / indo ät imparé a cantär csi bén? / Al to gorghègg da ‘dentor tutti al fóra / e il coppiètti alóra is fan l’océn. / J’ò imparé a stär su ‘na pianta / cla se spécia in-t-un laghètt / indo gh’é un izolètta / con di ciggn bianch e morètt. / Tutt il siri là sentiva / i béj cant ädla coräla / e ’l me cór picén al capiva / che csì sól a s’ pól cantär.


domenica 14 aprile 2013

Cór crozè - L'opinione di Michelotti

L'É STÈ UN UN DIZASTOR
A M' VÉN FINN' DA RIDDOR
PARMA - UDINESE 0-3 Scrivva, scrivva: L'Udinéze l'à batù Amauri tri a zéro. Parché Amauri l'à zughè da lu... e anca bén, mo da lu! Mi äva strolghè un du a zéro p'r al Pärma, invéci l'é andäda tutt a l'arvèrsa... Tri a zéro. Al Pärma d'incó, Amauri a pärta, al paräva 'na scuädra da ricovor di vécc'. Fischi meritatissimi da parte del pubblico.
Alberto, brutta giornata, eh?
A gh'é mäl. Ätor che brutta... Un dizastor. Crozè lént, inconcludént... Forsi j ävon tot 'na purga... I zugadór 'd Guidolin i corrävon, coj 'd Donadoni i sornaciävon. Benvgnuda primavéra! Guidolin al s'à dè 'na gran lesjón 'd folber. Donadoni invéci, povrètt, l'à zbaljè tutt.
Andiamo avanti, va... Mirante?
Njént da dir, l'à fat al so dovér, senza infamia e senza lode. Comunque l'à fat do béli parädi.
Hai voglia di parlare della difesa crociata, Santacroce, Paletta, Lucarelli? 
Sonja oblighè? A preferiss parlär d'ätor. A n' so miga co' dir. J àn tot forsi un soniffor dopa la purga? E cossta chi a t'la ciamm diféza? L'à fat sbudlär dal riddor. A Santacroce dagh du, a Palètta cuator e cuator anca a Lucaréli che incó al paräva so fradél ch'j al  ciamävon Corridoni parché al stava feróm cme la statua.
Là in mezzo c'erano Rosi, Biabiany, Valdés, Marchionni e Gobbi...
In sinch par fär un dizastor compagn? Valdés... Ormai quando devo parlare di lui sono obbligato sempre a dire cose spiacevoli. A m' dispjaz, però l'é la veritè. L'é al nostor Platini della Val Padana... Dagh du. E du anca a Biabiany. A gh'éra so mojéra in tribuna e lu, cme al solit, al guardäva p'r aria. Du anca a Rosi. E du, forsi tri al masim, a Gobbi. Tri a Marchionni. E són stè lärgh eh?
Anche l'attacco, Amauri e Sansone, è stato così disastroso?
Dizastor generäl, Amauri a pärta. L'à zughè da lu. Combattivo, commovente, alla fine della partita è andato anche a salutare i boys. Un gentiluomo. Un grande.  Dagh sètt. Sansone? Parché? Érol in camp? S' l'éra in camp alóra dagh du anca a lu.
Nella ripresa, al posto del difensore Santacroce, è entrato l'attacante Belfodil... E al posto di Biabiany è entrato Ninis...
Be', guärda, Belfodil al se dè da fär. Merita la sufficienza. Dagh séz. Ninis invéci... non pervenuto. Du anca a lu.
Ma dai due a tutti oggi?
T'arcordot la publicitè 'd socuant ani fa? Du-du-du Dufour...
Il migliore del Parma oggi?
A t'al digh in francéz: il va sans dir: Amauri
Il peggiore?
Tutt i crozè, a pärta Amauri e Belfodil.
Che voto ti senti di dare a Donadoni?
Du-du-du. L'à zbaljè formasjón, l'à zbaljè tutt! O mo che lavór. 
mez
(Si ringrazia Giuseppe Mezzadri per la supervisione delle parti dialettali)

Nessun commento: