/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

domenica 28 aprile 2013

Cor crozè - L'opinione di Michelotti dopo Parma - Lazio

I DU MALÈ J ÀN CIAPÈ UN BRODÉN
PARMA - LAZIO 0-0 Co' vót ch'a t' digga? L'é andäda a fnir acsì, con un parègg', i du malè, al Pärma e la Lasio, chi gnävon da un periód brutt bombén, j àn ciapè un brodén, un pónt important par tutt du. Mo p'r i crozè a gh'é da dir che 'n ältra volta Amauri l'à zughè da lu. 
Allora deluso anche oggi, Alberto...
Be', deluz finna a un sèrt pónt. Deluz p'r al rizultät, mo la podäva andär pés. La Lasio la gh'à avù pu ocasjón da goll, specialmént in-t-al secónd témp e s' l'aviss véns an gh' sariss stè njént da dir. E comunque sul gol su punizione della Lazio annullato all'ultimo secondo della partita... a m' bala 'n oc'... A vriss vèddor la movjóla. 
Partiamo da Mirante, cosa dici della sua prestazione?
L'à fat la solita usida a vód ch'l'à ma fat gnir al tarmór, però l'à fat anca 'na béla paräda. In fónda al merita la suficénsa: séz.
In difesa c'erano Benalouane, Paletta, Lucarelli e Mesbah...
Mi dagh la suficénsa a tutti. Séz a Benalouane, Palètta, Lucaréli, e magari un briz in meno a Mesbah, sinch e méz. Mo al probléma dal Pärma d'incó l'an n'é miga la diféza, mo al centorcamp, ch'l'é inesistént.
Appunto, allora parlami di quelli là in mezzo, Marchionni, Valdés e Parolo...
Guärda, a n' so pu co' dir. Äd Valdés, p'r ezempi, sariss méj parlärni gnan. Però, se mi obblighi... dagh cuator anca incó. Donadoni si ostina a farlo giocare, al so anca mi ch'lé 'na so scopèrta... Però, parchè al ne fa miga zugär, almeno socuant minud, Morrone? Mi al so parchè (ovviamente sai che mi piace scherzare): cuand al mister  l'éra al Livóron, lì a gh'éra anca Morrone e 'na sira al zugador l'à portè al mister a magnär al caciucco. Donadoni l'é stè mäl e adésa... al s' vendica col zugadór...
Scherzi a parte, oltre a Valdés c'erano Marchionni e Parolo...
Sinch al primm e sinch e méz al secónd. Comunque, ripeto, sät co' gh'ò da dir?: che coll céntorcamp chì al ne va miga.
In attacco avevamo Biabiany, che oggi compie 25 anni, Amauri e Belfodil...
Primma 'd tutt a fagh tanti avguri a Cimba, che incó però al s'l'é fata in-t-il bräghi, forsi l'à magnè trop bosilàn... Dagh cuator e méz. Sansone, ch'al l'à sostituì l'à zughè pochén, sénsa valutasjón. Amauri, invéci, nóv. L'é al pu bón in senso assoluto. Gh'é stè un momént ch'l'éra al'atach, mo po gh'é stè 'n asjón 'd contropè 'dla Lasio e lu l'é córs a där 'na màn ala diféza. L'é un grand zugadór. Gioca con una forza encomiabile... eh, mo cme pärli in pónta 'd forsén'na... Belfodil, invéci, sinch e méz, an l'ò gnan visst.
Quale è stato secondo te il migliore del Parma?
L'é sémpor lu, Amauri.
E il peggiore?
L'é sémpor lu, Valdés.
Il voto a mister Donadoni.
Incó a gh' dagh n'ätor sinch. Al fa sémpor zugär i medezim zugadór. Mo mètta su Morrone 'na cuälca volta!...
mez
(Si ringrazia Giuseppe Mezzadri per la supervisione delle parti dialettali)

Nessun commento: