/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

domenica 21 aprile 2013

Cor crozè - L'opinione di Michelotti dopo Inter - Parma 1-0

A SARISS STÈ GIUSST UN PARÈGG'
MO A NÓV MINUD DALA FÉN L'ÈMMA CIAPÈ IN-T-AL FRACH
INTER - PARMA 1- 0 L'Inter d'incó l'éra 'na scuädra päri a nuätor e un parègg' al sariss stè giusst, cme äva previsst mi, però a nóv minud dala fén la diféza crozäda la gh'à pjantè 'na sornaciäda... É rivè 'd córsa al platón, Rocchi, con 'na tésta ch'la pär 'na lón'na, ch'al s'é catè cóntra i nostor, ch'i parävon dil guärdij noturni...
Un'altra delusione Alberto...
A t'al pól dir... La partida la stäva par fnir e mi s'éra lì a pensär che finalmént a gh'äva ciapè coll me vaticcini... Invéci l'Inter al s'la miss in-t-al frach. Peccato perché l'Inter di questi giorni è una squadra alla nostra altezza. Almeno un pareggio ci stava tutto. E dir che al trentézim 'dla ripréza sèmma andè ataca al goll, con Biabiany, ch'la zbaljè un goll bélle fat.
E così siamo ancora fermi a quota 39 punti.
L'é véra. Primma as s' sèmma salvè e adésa andèmma avanti con un ritóron da retrocesjón...
Dimmi di Mirante, va.
L'à fat 'na béla paräda, mo in generäl l'é stè impgnè pochén. Suficénsa: séz.
La difesa?
A pärta la figura da guärdij noturni a nóv minud dala fén, dagh la suficénsa, séz, a tutti, cioè Benalouane, Coda, Lucaréli e Gobbi. Santacroce l'à sostituì Coda e apén'na gnu su èmma ciapè un goll...
Passiamo al centrocampo?
S'at vól... Marchionni sinch, Parolo sinch, Valdés, ch'l'é un po' méj dal solit, séz. Galloppa, al post 'd Marchionni, sénsa valutasjón.
Siamo arrivati all'attacco.
Parché, cosst él 'n atach? A pärta Amauri... Comunque, sinch a Belfodil, sinch a Biabiany, ch'l'à ciapè al so post mo che al zuga sémpor da lu, dopa du o tri dribbling la bala al la dà sémpor a ch'j ätor, séz a Sansone e séz, o séz e méz ad Amauri, ch'l'é sémpor al pu bón dal Pärma.
Quindi, mi pare di capire, Amauri ancora il migliore del Parma.
A n' gh'é dubbi.
E il peggiore?
A n' so miga co' dir.... Però a diriss Belfodil
Il voto di oggi a Donadoni.
La domenica pasäda a gh'ò dè du-du, cme la reclam 'dla Dufour, incò a gh' dagh tri-tri, cme la campanén'na ch'la nonziäva la mnéstra ai vcètt dal Romanén. T'arcordot? Tri-tri, tri-tri... co' vót incó nonón? Damm du gruggn...
mez
(Si ringrazia Giuseppe Mezzadri per la supervisione delle parti dialettali)

Nessun commento: