/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

domenica 16 dicembre 2012

Cor crozè - L'opinione di Michelotti dopo Parma - Cagliari 4-1

DOPA UN PRIMM TÉMP DA CAMOMÌLLA
FINALMÉNT I S'ÉN DEZDÈ
(MO BUTÈMMA SÉMPOR VIA UN  TÉMP...
PARMA - CAGLIARI 4 - 1 Beh, sì, al Pärma l'à fat fésta p'r i so novantanóv an' con 'na béla vitorja e mi a gh'ò ciapè parchè äva previsst un vó a zéro e anca 'd pu, però, ragas, acsì l'an va miga bén. Anca stavolta èmma butè via un témp... I s'én dezdè sól in-t-al secónd témp, mo al Cagliari l'é 'na scuädra ciamäda "Nisón"... Oh, cme j én balórd... No, non mi faccio incantare da questo bel risultato. Felice sì, anca parchè incó l'éra 'n anivarsäri important, mo a n' s pól miga butär via sémpor un témp... Par fortón'na ch'èmma visst un  gran Belfodil
Insomma, Albertone, non ti va bene niente neanche oggi, dopo un 4 a 1... Non ti pare di esagerare?
Oh, ragas, mettemos d'acordi: mi a vój bén dabón al Pärma e a vriss vèddor 'na scuädra forta dal primm a l'ultom minud, invéci.. Fortunatamént èmma zughè cóntra 'na scuädra inesisténta. Mo coll primm témp ala camomìlla al m'à fat rabir. Però cuälca cozlén'na bón'na l'èmma vissta. P'r ezémpi la sicurèssa 'd Pavarén e la gran partida 'd Belfodil. Però a gh'é da zugär novanta minud, miga cuarantasinch...
Andiamo sui singoli, dai... cominciamo da Pavarini
Al solit león, tutta la squadra ne beneficia. E po l'à fat anca dil parädi strepitózi. Dagh un bél sètt e méz. Al s'la merita.
La difesa?
Cuand al Cagliari l'à fat al goll an gh'éra nisón ataca a Pavarén, eh? E po incó a m'é miga piazù Palètta, ch'a m' paräva un cazär. Par fortón'na ch'l'é stè sostituì da Santacroce (suficént). A Palètta sinch äd stimma. Benalouane séz, al tunizén l'à casè via 'na bala ch'a paräva ch'al la tiriss cóntra 'na pianta par sbator i dator... Lucaréli pu che suficént: séz e méz. Un po meno Gobbi, séz
E là in mezzo?
Marchionni séz e méz, Valdés sinch e méz, l'éra lént cme 'na bissa scudlära, a Parolo a fagh fatiga a därogh séz... A gh'al dagh parchè sèmma cuäsi a Nadäl, va...
E là davanti?
Strepitóz Belfodil, a l'ò bélle dit. Dagh ot. E incó l'à fat 'na béla copia con Biabiany, sètt, che po l'é stè sostituì da Fideleff, che mi 'l ciamm Fidelfi (sensa valutasjón). Sansone non è stato particolarmente brillante: séz parché sèmma a Nadäl...
Il migliore del Parma?
Gnàn da dir: Belfodil
Il peggiore?
A diriss Palètta
E che voto dai a Donadoni oggi?
Sètt parchè èmma véns cuat'r a vó, però il Parma è una squadra leziosa, lenta...
Il pubblico?
Caloroso... a s' fa par dir, parchè a són zlè finn' a ilj orècci. E però a gh'éra sól nóvmilla parson'ni... Con coll frèdd chì i véc' e i putén i stan a ca a vèddor la partida a la televizjón..
Però tu c'eri al Tardini...
Sì, mo mi a són un gionvòt...
mez
(Si ringrazia Giuseppe Mezzadri per la revisione delle parti dialettali)

Nessun commento: