/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

domenica 11 novembre 2012

Cór crozè - L'opinione di Michelotti dopo Parma - Siena 0-0

Amauri di fronte all'ex Pegolo: un momento di Parma Siena (dalla galleria della Gazzetta di Parma)
VÓN AL SORNACIÄVA, N'ÄTOR AL BADACIÄVA
E MI A GH'ÄVA LA SNAVRA AL NÄZ:
A N'Ò MÄI VISST 'NA PARTIDA ACSÌ BRUTTA
PARMA - SIENA 0 - 0  A m' són desdè adésa che la partida l'é fnida... A n'ò mäi visst in camp 'na desolazjón cómpagna. Primm témp inguardabil, secónd témp un po méj, mo sémpor un dizastor. In tribuna a gh'éra Balestrieri ch'al sornaciäva, Luca Ampollini ch'al badaciäva e mi che... a gh'äva la snavra al näz. Par fortón'na ch'a gh'éra Risolón Valiani, però al zugäva in-t-al Siena! E dir ch'al Pärma al gh'äva da fär, con Pescara e Siena, al sält 'd cualitè. Sì, un pónt su séz a disposizjón... Béla roba.
Inutile chiederti se sei deluso...
Ätor che deluz... Sì, potevamo anche vincere, mo anca pèrdor... I crozè, con coll témp chi, i n'en miga stè bón 'd scaldäros.
Beh, adesso parlami dei giocatori
Partìmma da Mirante, ch'l'à fat do béli parädi, però a  'n sert momént al n'é miga stè bón 'd tgnir férma la bala. A m'é gnu i sgrizór. Zaccardo né pu né méno. T'arcordot la caplén'na ch'a gh'éra sul Pont 'd méz?
Per la verità non ero ancora nato: l'hanno abbattuta nel 1914.
Beh, a n' gh' s'éra miga gnàn mi, però tutti a Parma sanno che a metà del Ponte di Mezzo c'era la cappelletta di San Giovanni Nepomuceno.
Sì, questo sì...
E alóra t'al sè cme l'éra ciamäda daj pramzàn...
Sì, San Zvàn Né Pu né méno.
Appunto. Cme Zaccardo incó.  
Allora ok, Zaccardo né pu né meno. E ch'j ätor?
Guärda, la Pärma incó l'é gnuda fóra e al Pärma l'é andè sòtta... Tutt bocè, magari salvando Rosi e Gobbi, va! Guärda, chì a gh'é 'dla génta ch'la dovrìss andär al ricovor di vécc'...
Anche Paletta?
Ma no,  lui no, mo anca lu, incó, né pu né méno. 
Anche Biabiany? 
Guärda, forsi l'an n'é miga cólpa sòvva: al mister al la fa zugär a sinistra, invéci lu l'é pu bón a déstra... 
Anche Amauri?
An l'ò mäi visst acsì zo cme incó. Difati l'é stè sostituì da Sansone 
Belfodil ha sostituito Lucarelli. Come ha giocato secondo te?
An l'ò gnan visst. Però j ò visst ch'l'é andè in camp coj guant... e gh'éra cuinndoz gräd.. E apén'na déntor l'é scapusè. Oh mo che lavór...
Che cosa mi dici degli ex crozè che hanno giocato nel Siena?
Al pu bón l'é Risolón - Valiani, an gh'é njént da dir. An capiss miga parchè i l'àn lasè andär via. Pegolo ha fatto delle ottime parate. Angelo ha fatto pena, Reginaldo... povrén. Con lu sì ch' j àn fat bén.
Di Donadoni hai già detto, in pratica...
Sì. Non capisco perché mette Cimba a sinistra. E po che, invéci 'd fär al sält 'd cualitè in sti témp chi al pista di gran pòcci.
mez  
(Si ringrazia Giuseppe Mezzadri per la supervisione delle parti dialettali)

Nessun commento: