Canzone natalizia del dicembre 2011 dedicata a tutti i parmigiani. Testo e musica di Achille Mezzadri, arrangiamento di Roberto Barrali, Coro delle Voci Bianche della Corale Verdi diretto da Beniamina Carretta. Produzione dell'allora (poi defunto) "Superblog pramzàn" (Pramzanblog di Achille Mezzadri, Parmaindialetto di Enrico Maletti e Stadiotardini.com di Gabriele Majo). Con: Vittorio Adorni, Luciano Armani, Monica Bertini, Mauro Biondini, Alberta Brianti, Robi Bonardi, Paolo Bucci, Giancarlo Ceci, Carlo Chiesa, Claudia Corbani, Zaira Dalla Rosa Prati, Tonino Fereoli, Armando Gabba, Gino e Dino, Gabriele Majo, Enrico Maletti, Corrado Marvasi, Achille Mezzadri, Alberto Michelotti, Edda Ollari, Maria Francesca Piedimonte, Victor Poletti, Francesca Strozzi, Paola Sanguinetti, Lorenzo Sartorio, Maurizio Trapelli (Al Dsèvod, secondo la grafia della Famìja Pramzàna), Daniele Villani, Paolo Zoppi. Riprese di Steve Mezzadri e Pietro Maletti. Montaggio di Steve Mezzadri. Sigle di Pietro Maletti. Realizzazione del video nella Sala Gandolfi della Corale Verdi.

O rondanén'na bjanca njgra e znéla / ch'a t'gir al mónd par costruìrt al nì / par ti che téra éla la pu béla? / parchè la vris andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär. / Int’il gróndi cuànd a pióva / l’àcua t‘ f a la sérenäda / e in-t-il tòrri traforädi / dvénta muzica anca al vént. /O lezgnolén ch’a t’ gh’é la góla dòra / indo ät imparé a cantär csi bén? / Al to gorghègg da ‘dentor tutti al fóra / e il coppiètti alóra is fan l’océn. / J’ò imparé a stär su ‘na pianta / cla se spécia in-t-un laghètt / indo gh’é un izolètta / con di ciggn bianch e morètt. / Tutt il siri là sentiva / i béj cant ädla coräla / e ’l me cór picén al capiva / che csì sól a s’ pól cantär.


domenica 6 maggio 2012

Cór crozè - L'opinione di Michelotti


SÉZ VITORJI 'D FILA:
CHI L'ARISS MÄI DITT?

SIENA - PARMA 0-2 E séz... Séz vitorij 'd fila e ‘l Pärma adésa l'é sètim, a päri con la Ròmma... Ragas, che goduda! Chi l'ariss mäi ditt? Anca incó vitorja meritäda e anca incó un super Giovinco, ch'l'é un zugadór straordinäri dabón.

Non ci sono più parole per questo Parma, Alberto...
Dabón. Incó i crozè j àn sonè la sésta 'd Donadoni... 'N ältra sinfonia... Però in-t-al primm témp... I gh'àn piantè 'na sórnaciäda... I zugävon (mo anca coj dal Siena) al ritmo dil Balilla a tre märci degli anni Quaranta... E gnàn un tir in porta. Po in-t-al secónd témp…E adésa a gh' manca ancòrra 'na partida. Al Tardini a farèmma la fésta al Bològgna...
In porta c'era Pavarini...
Sì, e s'é visst: sicuro, tranquillo. Nessun brivido. E po al me piäz anca parchè è un signore. Al ne sbraja mäi.
La difesa?
Impeccabili. Tutt e tri, Zaccardo, Lucaréli e Palètta, mo l'argentén anca 'd pu. L'é stè al pu bón 'dla diféza, e forsi anca dal Pärma, nonostante super-Giovinco.
Il centrocampo?
Bene anca lì, chi pu chi meno. Jonathan è stato bravissimo, dagh un ot... Valiani l'à córs cme 'n mat par tutt la partida e l'à dè tremilla sucädi cóntra j avarsäri... Musacci così così, ma merita la sufficienza, Galloppa al m'é piazù, è in via di netto miglioramento, Gobbi senza infamia e senza lode.
E là davanti, Giovinco a parte?
Come Giovinco a parte? Primma parlèmma 'd lu, ch' l'é trop fort... Cuand l'é in fórma, e in coll perìod chì l'é un super-Giovinco, a ne gh' n'é par nisón. E po l'à fat un goll strepitóz.  L'à stopè 'na bala a trentesinch métor dala porta, l'à tirè e l'à fat goll!
Vabbè... e a parte Giovinco?
Bene Floccari, al m'é piazù. E l'à fat anca un gran bél goll ala fén.
Dai un voto a Donadoni
'N ätor déz pjén. l'à fat di miracol a Pärma.
Il Parma ha fatto sei vittorie di fila, record assoluto nella sua storia. Domenica, nell'ultima giornata di campionato, con il Bologna..
A gh dèmma do péri, tó su e porta a ca. Eh che goduda s'a fnìmma al campionät con sincuanteséz pónt... 

pramzan45
(Revisione della parte dialettale a cura di Giuseppe Mezzadri)

Nessun commento: