/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

domenica 18 dicembre 2011

Cór crozè - L'opinione di Michelotti

I S'ÉN FAT FÄR SU
DA 'NA SCUÄDRA
'D BALÓRD...
PARMA - LECCE 3-3 Ragas, che lavór. A n'ò mäi visst 'na roba cómpagna. Èmma zughè contra l'ultma in clasifica e èmma rizghè 'd pärdor. Par fortón'na èmma parzè in-t-j ultom minud. E gh'é da dir anca che l'arbitro al s'a regalè un rigór...
Com'è stato il primo tempo?
Un primo tempo senza storia. Al Pärma l'à dominè al Lecce, ch'l'é 'na scuädra da riddor. Però l'arbitro al s'a dè un rigór (sgnè da Floccari) ch'al ne gh'éra miga gnanca a cridär. Cimba al s'é intortè in méza a du avarsäri e al s'é butè par téra. E l'arbitro al gh'é caschè... Dopa al primm témp mi a pensäva 'd vénsor du a zéro (ch'l'éra po la me previzjón) o parfinna tri a zéro...
E il secondo tempo?
Sèmma tornè in camp con la convinsjón 'd fär 'd j ätor goll e invéci i s'àn tot in méza. In tri minud èmma ciapè du goll... E pénsa contra chi èmma zughè.... La paräva la bujja 'd Bogléz...
La bujja 'd Bogléz?
Aj me témp, a Bogléz, 'na frasjón 'd Sorbol, a gh'é stè 'na gran bujja, al scur, tra di lädor 'd formaj vestì da carabiniér e di vér carabibniér. E 'csì i l'àn ciamäda la bujja 'd Bogléz...
Però dopo l'1 a 3 siamo riusciti ad agguantare il pareggio...
Sì, sì, udite udite: primma  à sgnè Pellè! Incredibbil. Po par fortón'na Galloppa l'à portè a ca al parègg'.
Mirante ha colpe suo gol subiti?
No, no, al ne gh'à miga 'd colpi.

Com'è andata la difesa?
Primma at digh 'd Palètta: an l'ò mäi visst zugär 'csì mäl. Zaccardo acsì 'csì, Sgorbación - Gobbi an l'ò miga visst.
E a centrocampo?
Guärda, incò Modesto l'à fat sbudlär dal riddor. Par Galloppa a gh' sarìss da där un sìncov, ch'al dvénta séz parché l'à fat al goll dal parègg'. Biabiany l'é stè al pu bón.
Il migliore del Parma?
Gnàn da dir: Cimba - Biabiany.
Il peggiore?
Lasèmma pärdor: sèmma sotta Nadäl.
Che voto dai oggi a Colomba?
Dagh sincov. Ormai comincio ad avere qualche dubbio sulla sua mania di difensivismo.
Alberto, hai completamente "cannato" il tuo "vaticinio". Avevi previso un due a zero... Ci è andato molto più vicino Giorgio Gandolfi, che aveva previsto 1 a 1 oppure 2 a 2, comunque un pareggio...
Bräv lu... Cme 'diz i francéz: chapeau!
pramzan45
(Revisione delle parti dialettali di Giuseppe Mezzadri)

Nessun commento: