O rondanén'na bjanca njgra e znéla / ch'a t'gir al mónd par costruìrt al nì / par ti che téra éla la pu béla? / parchè la vris andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär. / Int’il gróndi cuànd a pióva / l’àcua t‘ f a la sérenäda / e in-t-il tòrri traforädi / dvénta muzica anca al vént. /O lezgnolén ch’a t’ gh’é la góla dòra / indo ät imparé a cantär csi bén? / Al to gorghègg da ‘dentor tutti al fóra / e il coppiètti alóra is fan l’océn. / J’ò imparé a stär su ‘na pianta / cla se spécia in-t-un laghètt / indo gh’é un izolètta / con di ciggn bianch e morètt. / Tutt il siri là sentiva / i béj cant ädla coräla / e ’l me cór picén al capiva / che csì sól a s’ pól cantär.


domenica 11 dicembre 2011

Cór crozè - L'opinione di Michelotti

CON FLOCCARI
L'É N'ÄTRA ROBA
CAGLIARI - PARMA 0-0 A gh'é da dir subit che con Floccari l'é n'ätra roba. Con Pellè l'é cme magnär di anolén cól pan razù e con Floccari cól formaj 'd montagna äd 30 méz... Al parègg' d'incó? Pu che giusst. Mo Galloppa l'à zbaljè un goll a l'ultom secónd! Ragas, che rabja!
Com'è stato il primo tempo?
Nel primo tempo ho visto un Parma in salute, sicuro di sé.  A s'é capì subit che la partida l'arìss ciapè 'na piga giussta par nuätor. A m' dispiäz ch'é andè fóra Giovinco, infortunè. Ci ha rimesso lo spettacolo. Però, insomma, j'ò visst un bél Pärma.
E il secondo tempo?
A gh'éra frèdd e in-t-al secónd témp il do scuädri j éron pu  botonädi, in particolär al Pärma. Noiätor èmma visst la bala al trentotézim... Comunque a gh'l'èmma caväda a fär rizultät.
Mirante?
Bene. Sicuro, tranquillo. L'à anca fat do, tre béli usìdi.
La difesa?
I m'én piazù tutti anca incò. E anca al céntor camp.
E le mezze punte, Biabiany e Giovinco?
Pericoli continui per la difesa avversaria. Peccato che Giovinco al s'é fat mäl. Al so post al mister l'à miss su Palladino, mo po dopa al l'à tirè fóra par mettor su Modesto. E Palladino l'éra miga contént...
È tornato Floccari...
Par fortón'na. Chilù l'é un zugadór important, al sa sémpor indo' andär con la bala, e po al gh'à un gran feeling con Giovinco. Floccari l'é vón ch'al ne va mäi zò 'd carzäda.
Il migliore del Parma?
Gnàn da dir: Floccari. Però seguito da Biabiany.
Il peggiore?
A digh la vritè anca stavolta: nisón. L'é un bón momént.
Che voto dai oggi a Colomba?
Dagh un séz e méz... ch'al fa rima con la féra 'd Ravadéz...
Michelotti e Giuseppe Milano ci hanno preso con il loro "vaticinio": entrambi hanno previsto un pareggio, 1 a 1, anche se è finita 0 a 0.
Sì, l'äva ditt eh? Stavolta an  zbalj miga... Bräv anca Milano, però...
pramzan45
(Revisione delle parti dialettali di Giuseppe Mezzadri)

Nessun commento: