/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

domenica 20 novembre 2011

Cor crozè - L'opinione di Michelotti

A SÓN CONTÉNT DO VOLTI:
AL PÄRMA L'À VÉNS
E MI A GH'Ò CIAPÈ (CUÄSI)

PARMA - UDINESE 2 - 0 A són chì ch'a god du volti: parchè 'l Pärma l'à batù l'Udinese e parché a gh'ò ciapè. Mi äva ditt vó a zéro e l'é fnìda du a zéro, ancòrra méj. E po a j'ò batù al me amigh Osloviz-Piovani, ch'l'äva previsst un parègg'. Comunque vittoria meritata, soprattutto par cme èmma zughè in-t-al secónd témp. J èmma schisè cme i ringol.
Com'è stata in generale la partita?
Ala fén a gh'éra Guidolin, che mi ciam 'na lacrima sul viso, ch'al cridäva.. Al gh'äva un gruggn... e finna la candéla al näz... E mi a m' són divartì bombén. Anca parchè j'ò visst un Super Biabiany. Oggi è stato grande, dico la verità. Però, ragas, continvämma a zugär sensa atacànt. Oggi avevamo Giovinco a mezzo servizio, da socuant partidi al n'é pu lu, e Pellè...beh, lasèmma pärdor...
Mirante?
Normale amministrazione. Mo al me fa sémpor rabìr parché al ne vén miga fóra dala porta gnan sa t'al tir con do pär 'd bo.
La difesa?
Molto bene Lucarelli, al pu bón 'dla diféza, an gh'é dubbi. E po Colomba l'à fat zugär Rubin: ragas... al pära la bella Gigogin...
Il centrocampo?
La notisia l'é cossta: é tornè Galloppa. 'Na gran partida la sovva.
E Biabiany?
Oggi Biabiany è stato un grande. L'à fat un bél goll e l'à procurè il rigór sgnè po da Giovinco. Pensa ch'j'ò finn cantè publicamént È tornato Cimba! S'a gh'avìss da votärol a gh dariss un bél ot pu. 
L'attacco?
A t' l'ò bélle ditt: par Giovinco al' n'é miga un périod bón. A gh'  dagh un sincov pu, parchè l'à sgnè al rigór. E Pellè... l'é inguardabil, gnàn da crèddor. Al podriss zugär in-t 'na scuädra 'd peones...
Il migliore del Parma?
Già detto. Biabiany.
Il peggiore?
Sémpor lu: Pellè, anca se m' dizpjäz...
Che voto dai oggi a Colomba?
Dagh un sètt. Però secondo me ha fatto un errore. L'à fat scaldär Crespo par sinch minud e po l'à miss déntor Valdès. Al podäva vansär 'n umiliasjón cómpagna a Crespo.
pramzan45
(Revisione delle parti dialettali di Giuseppe Mezzadri)

Nessun commento: