/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

domenica 30 ottobre 2011

Cor crozè - L'opinione di Michelotti

LA NOTIZIA
QUESTA È:
MICHELOTTI
AL GH'À CIAPÈ

PARMA - CESENA 2 - 0 A són proprja contént parchè incó, finalmént, a gh'ò ciapè in pjén. Avevo detto 2 a 0 e due a zero è stato. L'é la primma volta... Al Pärma l'avrìss podù vénsor anca sincov a zéro e an gh' sarìss stè njént da dir. J àn zbaliè un sac 'd goll, anca un rigór. L'é stè al supermarket d'ilj ocasjón perdudi. Ma non stiamo a gasarci troppo perché abbiamo giocato contro una squadra inesistente.
Però oggi almeno ti sei divertito...
Beh, sì, a m' són divartì, soprattutto in-t-al primm témp. Però ti dico subito che al m'à delùz Giovinco. Incó an l'éra miga lu. L'à zbaljè finn un rigór. Pensa che quando stava per tirare era il 33° del primo tempo, trentatrì cme j àn dal Sgnór. E a m' són dit: Sgnór, adésa al la zbalja... E l'à zbaljè... Incó a j'ò proprja ciapè tutt.
Mirante?
Miràcol! Incó l'à fat n'usìda! Po l'é stè lì a guardär. Chilor, i zugadór dal Cesena, contra 'na diféza ch'l'aväva ciapè darsètt goll, i n'àn fat un tir in porta...
La difesa?
Bene in particolare Lucaréli picén, l'à fat parfin goll... Agli altri, Zaccardo, Paletta e Gobbi do la sufficienza.
Il centrocampo?
Oh, finalmént s'é rivisst Galloppa. Al m'é pjazù bombén in-t-al primm témp. Po in-t-al secónd l'éra strach e l'é stè sostituì da Musacci, un ragasén dal otantasèt. Bräv, al m'é pjazù anca lu. Morrone al solit pe d' märmol, Biabjany... méj parlär miga, vah... L'é tornè a ésor Cimba.
L'attacco?
Ho già detto di Giovinco. Incó njént da fär. Sincov meno meno. Pellè? Anca incó cme Vittorio Bottego. Férom cme la statva... E cuand l'à fat un tir in pirta l'à fat un buz in-t-al camp e al s'é strabuchè. Oggi le comiche. Po Colomba al l'à tirè zo par Crespo. Povrén, con tutt chi cavì bjanch al paräva Babbo Natale. Al n'à miga tochè 'na bala. Incó l'éra al bandolero stanco.
Il migliore del Parma?
Per il primo tempo Galloppa. Po basta.
Il peggiore?
L'abbonato a questo titolo. Vittorio Bottego.
Che voto dai oggi a Colomba?
Beh, dagh la suficénsa, mo miga 'du parchè èmma zughè contra di povrètt. E pensa che a j'ò sentì dir che forsi j cambion l'alenadór e i ciapon Marino... A so cme stagh... Alóra i vólon proprja tornär in B...
pramzan45
(Revisione delle parti dialettali di Giuseppe Mezzadri)

Nessun commento: