/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

domenica 6 novembre 2011

Cór crozè - L'opinione di Michelotti

A N' ÈMMA MIGA
MERITÈ 'D PÄRDOR

LAZIO - PARMA 1 - 0 Peccato dabón, a n' gh'ò ciapè gnàn stavolta (mo anca Majo: mi äva previsst un vó a vó e lu un du a du) però a gh'é da dir ch'a n'èmma miga meritè 'd pärdor.  Chilór, la Legión Stranjéra, i s'àn batù, mo al parègg' al sariss stè pu giusst.
Com'è stata in generale la partita?
L'é städa 'na partida zugäda al pas arianum... T'arcordot al pas al témp dal fasizom? A gh’ mancäva solamént la banda... Tu-tum tu-tum,...-
Mi són nasù dopa...
Be', a färla curta, tipo al pas ‘d l’oca di tognètt.
Torniamo alla partita.
Sì, tornèmma, tornèmma. Noiätor èmma zughè con còll pas lì, mo anca chilór, ch’ j éron strach parchè j ävon zughè giovedì in Europa League cóntra al Zurigo.
Mirante?
Nessuna colpa sul goll di Sculli che è stato tutto merito di Klose, al todèssch, ch'l'à fat n'aceleräda ch'al paräva 'na Mazerati.
La difesa?
Njént da dir. Són indeciz se dir che ‘l pu bón 'dla diféza l'é stè Zaccardo o Paletta.
Il centrocampo?
Modesto su tutti. Al pu bón 'd tutti, incó. Morrone invéci al ne n'à miga ciapè vùnna. L'é restè férom al Cornòcc, a t'acordot?, ai témp di bombardamént... A Galloppa darei appena appena la sufficienza.
E Biabiany?
Molto fumo e poco arrosto. E comunque l'à zbaljè du goll.
L'attacco?
Giovinco l'é stè sostituì parchè al gh'äva mäl al galón déstor. E cuand al ne va miga lu... la dvénta griza. Achille, sèmma sénsa atacànt, an s' pól miga sgnär sénsa atacànt! Pellè? A t'al digh dopa.
Il migliore del Parma?
Già detto. An gh'é dubbi, Modesto.
Il peggiore?
Famm miga dir Pellè, povrén, a m' dizpjäz... Mo l'é sémpor férom cme la statva 'd Vittorio Bottego.
Che voto dai oggi a Colomba?
Dagh un séz pu. Mo co' pólol fär con 'na scuädra sénsa atacànt? Al ne gh'à nisón... E comunque incó sèmma stè sfortunè. An s' pól miga pärdor 'na partida compagna...
pramzan45

(Revisione delle parti dialettali di Giuseppe Mezzadri)
IL PAGÉLI IN DJALÈTT PRAMZÀN

Nessun commento: