/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

domenica 18 settembre 2011

Cór crozè - L'opinione di Michelotti

INCÓ ÈMMA VÉNS
PERÒ GH'ARÈMMA
DA SOFRIR
FINN IN FÓNDA
PARMA - CHIEVO 2-1 A n' són miga contént par du motiv: parché Giovinco, ch'al s'a fat vénsor, al s'é anca fat casär fóra par 'na cojonäda, e parchè al Pärma, in generäl, al m'è miga pjazù. Scuädra lénta, prevedibila, cme l'à zugè contra la Juventus... Al Pärma e al Chievo d'incó j én do scuädri balórdi bombén. J én do scuädri chi fan invidia al Vichfèrt.
Albertone, avevi previsto una vittoria (1 a o oppure 2 a o) e vittoria è arrivata, anche se con un punteggio un po' diverso...
Béne, a gh'ò ciapè, o cuäzi. Però a m' són fat al sàngov cativ...
Perché?
Parché al Pärma d'incó l'é stè modést bombén.
Il Chievo è una squadra così così, doveva essere aggredita, dominata. Soprattutto quando è senza Pellissier, un zugadór ch'a m' fäva paura, la väl poch... E po parchè Giovinco l'à fat un fal da stuppid cuand l'éra belle stè amonì. Acsì probabilmént al ne zugarà miga cóntra la Fiorentén'na, marcordì sìra.
Però la vittoria è stata meritata...
Sì, però in-t-al secónd témp, par vintiséz minud al Pärma al n'à miga fat un tir in porta... E il Chievo l'à zbaljè cuator goll...

Mirante ha colpa sul gol subito?
Guärda, Mirante incó l'éra sicur cme 'l cul d'un ragas picén. A gh'é stè un momént da ridaróla cuand l'à sarchè 'd rilanciär 'na bala e al l'à däda in-t-i pé a ‘n avarsäri, in pjéna area... E mi a digh: mo Colomba al podrìss mèttor su Pavarén 'na cuälca volta... Al dà pu sicurèssa.
La difesa?
La pära un ricovor di véc'. E cme un po tutta la scuädra l'é 'd ‘na lentèssa fóra dal normäl. Sóltant Zaccardo l'à fat apén'na cuél. E Rubin, o mama mia, al me fa gnìr in mént la Ruby, còlla ch'a va con Berlusconi... Lucaréli al dà via 'na cuälca taconäda, mo ‘l gh'à i pe a l'arvärsa. In generäl, bassa macelleria.
E il centrocampo?
Morrone? Al ne gh'é miga pu. Al fà còll ch'al pól. Galloppa? Dsèvvod. Valiani si da fare ma oggi mi ha poco convinto.
Poi anche oggi è entrato in campo Biabiany...

Sì, é tornè Cimba e incó l'é stè bräv bombén. E mi a digh: mo parchè al mister al la fa miga zugär äd pu? Mo mèttol déntor primma, Sgnór bendètt.

Però Giovinco è stato determinante...
Sì, sì, nel bene e nel male. Nel bene parchè l'à fat du goll, e nel male parchè al s'é fat casär fóra a l'ultom minùd. Che cojonäda! Magari l'arbitro l'é stè un cicinén fiscäl, ma ha interpretato correttamente il regolamento.
Pellè?

Guärda, Pellè al m'é simpatich, però secónd mi l'é trop ält. Al podriss zugär méj a basket o a volley... Comunque, incó, senza infamia e senza lode.

Che voto dai a Colomba dopo questa prima vittoria in campionato?

Agh dagh un bél sinch meno meno. Al gh'à da capir subbit che Giovinco - Biabiany l'é 'na copja ch'la pól mèttor in confuzjón il difézi avarsäri. Chilór, insèmma, possono essere determinanti per il risultato di una partita.
E adesso andiamo a Firenze...
Sì, la dvénta griza sénsa Giovinco, mo n'in parlèmma dmàn.

pramzan45
(Revisione delle parti dialettali di Giuseppe Mezzadri)

Nessun commento: