/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

sabato 23 aprile 2011

Cór crozè - L'opinione di Michelotti

A GUIDOLIN GH' ÈMMA FAT
GNIR ANCORRA
UNA LACRIMA SUL VISO

UDINESE - PARMA 0 - 2 'N ätor du a zéro. Ciapa su e porta a ca. Però se l'Udinese l'aviss parzè a ne gh'sarìss stè njént da dir. Èmma zughè cóntra 'na scuädra in déz... Par fortón'na èmma fat gnir ancorrra a Guidolin una "lacrima sul viso". Al ne rìdda gnan' s'igh fan vèddor i buratén 'd Féräri. E adésa sòtta cól Palèrom: la salvèssa l'é pu azvén'na.
Allora Alberto, com'è andata?
Meglio di così.... Incó èmma zughè contra la legion straniera. Tutt straniér, e con Arnero ch' l'éra pu nigor dal cafè... Comunque a gh'é da dir che 'l Pärma finalmént al zuga con grénta, determinasjón. A m'à fat riddor Guidolin ch' l'à dmandè la pausa toilette. Probabilmént a gh'é gnù la cagaja... Al s'é andè a cambiär i mudand... E po, par parzär, l'à miss su Di Natale... Mo proprja a Pascua? L'à zbaljè ricorénsa...
Come ha giocato Mirante?
Bene. Ci ha evitato un gol, però stava per causarne un altro.
E la difesa?
Mej che 'csì... Tutto okay. Però Paletta e Lucaréli picén i tiräv'n aj tòrri... I fävon a chi la tiräva pu in älta. O i la tirav'n in älta o 'd sgaidón. Comunque difesa in generale buona, con raddoppio di marcature, grande attenzione. Zaccardo però così così, senza infamia e senza lode. Mo l'é stè bräv dabón Modesto. Al còrra, al còrra e al va su e zo cme 'l caldarén 'd San Zvàn.
Al caldarén 'd San Zvàn?
Sì, in-t-al convént 'd San Zvàn a gh'éra un pòss e i frè i tirävon su l'acua con un caldarén, ch'l'andäva sémpor su e zo.
Il centrocampo?

Bene. Valiani ha corso tantissimo. Ala fén al nin podäva pu. L'é stè cambiè con Angelo di Dio che sei il mio cuistode. Bene nche Dzemaili, po é gnù déntor Galloppa. Cuand l'é 'ndè fóra dal camp l'éra ròss cme 'n pevrón.
E là davanti?
Ancora grande Amauri. In gran forma. Du goll fat e vón zbaljè. E dir ch'al zuga dalù là davanti. Magari c'è qualche dubbio sul primo gol, che forse era in fuorigioco. E p'r al secónd ... am bala n'oc'... Però chilù, Amauri, l'é fort dabón. Giovinco: anche lui bene. Mo a forsa 'd ciapär dil boti, dil psädi e dil carcagnädi l'à dovù andär fóra. È gnù déntor Bojinov... Oh, mama mia... Al pär n'automa. Al pär un omm fat col mecano....
Il migliore del Parma?
A n' gh'é dubbi , Amauri anca incó.
Il peggiore?
A m' vén finn da riddor: al me amigh Valerio. Mo al sät ch' l'é balórd dabón?
Che voto dai a Colomba?
Un bel sette e mezzo. Sta cambiando la squadra. Più determinata, più sicura.
E adesso, Alberto?
Adésa a riva al Palèrom. Sotto a chi tocca!

pramzan45
(Si ringrazia Giuseppe Mezzadri per la supervisione della parte dialettale)

Nessun commento: