O rondanén'na bjanca njgra e znéla / ch'a t'gir al mónd par costruìrt al nì / par ti che téra éla la pu béla? / parchè la vris andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär. / Int’il gróndi cuànd a pióva / l’àcua t‘ f a la sérenäda / e in-t-il tòrri traforädi / dvénta muzica anca al vént. /O lezgnolén ch’a t’ gh’é la góla dòra / indo ät imparé a cantär csi bén? / Al to gorghègg da ‘dentor tutti al fóra / e il coppiètti alóra is fan l’océn. / J’ò imparé a stär su ‘na pianta / cla se spécia in-t-un laghètt / indo gh’é un izolètta / con di ciggn bianch e morètt. / Tutt il siri là sentiva / i béj cant ädla coräla / e ’l me cór picén al capiva / che csì sól a s’ pól cantär.


venerdì 14 agosto 2009

Cór crozè: l'opinione di Alberto Michelotti

DAL NOSTRO NON INVIATO MICLOT:
"PAR FORTON'NA
CH'A 'N L'O MIGA VISSTA"
Cronaca semiseria, al pèvvor pramzàn, della disonorevole sconfitta del Parma contro il Novara, con relativa eliminazione dalla Coppa Italia - A j'ò passè la sìra a Urzàn, a magnär porchètta, singhjäl, salàm, polentén'na, parsùtt e mlón - Mo a gh'äva du amìgh al Tardini, Piovani e Bellè, chi m'àn tgnù agiornè, mnùd par mnùd - Un dizàstor: acsì n' la va miga bén
PARMA - NOVARA 1-2  Fat fóra. Ragàs, fat fóra. Pronti via e... fat fóra. Acsì n' la va miga bén. Cóntra 'na scuädra äd sérja C...

Par fortón'na ch'a n' ò miga vìsst la partìda, parchè a j'ò passè la sìra a Urzàn, in montàgna, indo' a gh'ò 'na ca. A gh'éra la fésta dal paéz con 'na mùccia äd ròba bón'na da magnär: porchètta, singhjäl, salàm, polentén'na, parsùtt e mlón. Mo al Tardini a gh'äva du amìgh chi m'àn tgnù agiornè mnùd par mnùd: Piovani e Bellè. I m'àn dit ch'l'è stè un dizàstor. Che la scuädra, a la fén dla partìda, l'è städa fisciäda. Che deluzjón. In prinsìppi Guidolin l'à zugè con al sìncov - tri - du: Mirante in pòrta, po Zenoni, Paci, Lucarelli, Panucci e Castellini in diféza, Mariga, Cordova e Galloppa al céntorcamp e Lanzafame e Paloschi a l'atàch. In-t-al secónd témp l'à miss su Bojinov par Lanzafame, Babiany par Mariga e Antonelli par Lucarelli e l'à zugè con al cuàtor - tri - tri. Ma la muzica n'l'è miga cambiäda. Al prìmm témp l'è fnì 0-1, poi in-t-al sécon témp l'à parzè al Pärma con Lucarelli, äd tésta e du mnùd dòpa l'à sgnè ancòrra al Novara. Fat fóra. I me amìgh j m'àn dit che i crozè j'éron moll cme 'l zafràn. Al probléma l'è sémpor la diféza: Castellini e Zenoni j'én miga bón äd diféndor, Panucci l'è ancòrra fóra condisjón. E a l'atàch Bojinov, dòpa déz, cuìnndoz mnùd, l'è sfiatè cme 'n pistón grippè. Ragàs, a sèmma in bräghi 'd téla. Adésa, dòpa la fésta in pjàza, a ca mèja a gh'è pjén 'd génta. Ancòrra a magnär di dóls. Pramzanblog, lässom andär: a gh'ò la sbavàcia a la bòca. (aemme)

1 commento:

Anonimo ha detto...

il nostro campionato comincia domenica,non e' certo con il novara che dobbiamo fare i nostri punti.......(am scapa da ridor anzi no ,da crider)

tratto da una famosa massima di mister di carlo.....