/// O rondanén'na bjanca njgra e znéla / ch'a t'gir al mónd par costruìr al ni / par ti che téra éla la pu béla? / parchè la vriss andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär...

mercoledì 27 maggio 2009

Il ponturén'ni äd Batistén Picén -8-

L'È TUTT UN SPOSTAMÉNT
Ragàs, l'è suficént andär via da Pärma 'na stmàna ch'a t' cat tutt cambiè. Coridóni a l' gh'éra, po 'n gh'éra pu. Po l'è tornè. E 'l Cmón al càsa vìa il baràchi 'd Barjéra Bixio e al fa cambjär 'd sit ànca l'edìccola dla 'Nonsjäda. Povrén'na cla sjorén'na, la Claudia. La stäva acsì bén lì. Adésa, ragàs, a gh'è n'ätra novité. A j'ò savù ch' j spòston ànca i pajzàn. Sì, dal sinc 'd zuggn al marchè dal sàbot di pajzàn, ch'j àn volsù ciamär a l'ingléz, "Farmer Market", al se spòsta da via Imbriàn in pjasäl Picéli. L'è 'n spostamént provizòri, mo i pajzàn j én in pensér, parchè i dìson: e dopa? Indòvva andrèmma a fnìr? Dal vózi ch'j gìron dedlà da l'àcua al pära ch'al "Farmer Market" a l' ne tornarà pu in vìa Imbriàn e ch'al ne restarà gnàn in pjasäl Picéli. A s' pärla, cmé solusjón finäla, äd pjasäl Santa Fiora o piasäl Goito. Mo j én vózi, ragàs. Col ch'al me fa stär in pensér un cicinén l'è tutta sta frenezìa 'd vrér ribaltär la citè, cmé ìl fäva al sìndicch Mariotti tant àni fa. La giära, la metropolitana (par caritè), il baràchi 'd Barjéra Nino Bixio, l'edìccola dla Nonsjäda, adésa al Farmer Market. Oh, sjór sìndicch: e stär un po cälom...
(Nelle foto, dall'alto -CLICCARE PER INGRANDIRE- : 1) Batistén Picén /by Sylvia Massera ©; 2) Il "Farmer Market" del sabato mattina /by Enrico Ghirarduzzi ©/)

2 commenti:

e.piovani ha detto...

l'è propria un pchè! Tut'al voti paser de dli l'era na festa a vedor tut chi comerciant! E anca lor i gan bsogna ed na streda con dal pasag, posibilment na streda o na piasa storica. Via Imbriani l'era al post ideel con tut cla ginta cla sta de dla dl'acqua. L'era propria l'ambientasion giusta pral merchè di agricoltor!
(come vi dicevo il mio dialetto è molto approssimativo)

pramzanserass ha detto...

Ma guarda un po' ???
Quante energie per cambiare sede ad un mercato che riporta gli agricoltori ( ed i loro prodotti)nelle strade dell' oltretorrente.
Meglio non scontrarsi con le catene di Ipermercati e supermercati della citta'.
"Co i volon chi paesan chi???
Direma miga da bon???
sema dvente' na citte' industriela miga ad paesan. Chi 'l vol ricorderos dla campagna ,cag vaga pur."