Canzone natalizia del dicembre 2011 dedicata a tutti i parmigiani. Testo e musica di Achille Mezzadri, arrangiamento di Roberto Barrali, Coro delle Voci Bianche della Corale Verdi diretto da Beniamina Carretta. Produzione dell'allora (poi defunto) "Superblog pramzàn" (Pramzanblog di Achille Mezzadri, Parmaindialetto di Enrico Maletti e Stadiotardini.com di Gabriele Majo). Con: Vittorio Adorni, Luciano Armani, Monica Bertini, Mauro Biondini, Alberta Brianti, Robi Bonardi, Paolo Bucci, Giancarlo Ceci, Carlo Chiesa, Claudia Corbani, Zaira Dalla Rosa Prati, Tonino Fereoli, Armando Gabba, Gino e Dino, Gabriele Majo, Enrico Maletti, Corrado Marvasi, Achille Mezzadri, Alberto Michelotti, Edda Ollari, Maria Francesca Piedimonte, Victor Poletti, Francesca Strozzi, Paola Sanguinetti, Lorenzo Sartorio, Maurizio Trapelli (Al Dsèvod, secondo la grafia della Famìja Pramzàna), Daniele Villani, Paolo Zoppi. Riprese di Steve Mezzadri e Pietro Maletti. Montaggio di Steve Mezzadri. Sigle di Pietro Maletti. Realizzazione del video nella Sala Gandolfi della Corale Verdi.

O rondanén'na bjanca njgra e znéla / ch'a t'gir al mónd par costruìrt al nì / par ti che téra éla la pu béla? / parchè la vris andär a vèddor mi. / Mo l'è Pärma ch'l'è speciäla / pjén'na äd vióli profumädi / e l'è tanta muzicäla / da fär tutti un po' cantär. / Int’il gróndi cuànd a pióva / l’àcua t‘ f a la sérenäda / e in-t-il tòrri traforädi / dvénta muzica anca al vént. /O lezgnolén ch’a t’ gh’é la góla dòra / indo ät imparé a cantär csi bén? / Al to gorghègg da ‘dentor tutti al fóra / e il coppiètti alóra is fan l’océn. / J’ò imparé a stär su ‘na pianta / cla se spécia in-t-un laghètt / indo gh’é un izolètta / con di ciggn bianch e morètt. / Tutt il siri là sentiva / i béj cant ädla coräla / e ’l me cór picén al capiva / che csì sól a s’ pól cantär.


sabato 13 dicembre 2008

IL PONTURÉN'NI ÄD BATISTÉN PICÉN -4-

ÈMMA PÈRS LA FERMÄDA D'AL TÀV - A j'ò ciapè un Tàvor par chjetärom, dopa aver savù che doménica pasarà in stasjón al primm Tàv, al tréno ädla älta velocitè, partì da Milàn e dirét a Bològgna, sénsa farmäros gnànca un minudén a Pärma. Invéci, pu avànti, i faràn 'na fermäda äd méz a Rèzz. Che ràbia ragàs! Mi a gh'son restè mäl bombén. Al säva da témp ch'la sarìss fnìda acsì, mo tuti il vòlti ch'agh'péns a'm zgàgn 'dla gràn rabja l'istés. Mi a j'ò mìga capì. Pärma l'è o no 'na capitäla, l'è o no la séde ädl'Efsa, l'agensìa evropèjja ädl'alimentasjón, l'è o no pu importànta äd Rèzz? Ragàs, ìv capì? Cuadrònja! Mo propri lì i andràn a fär la fermäda "Medio Padana"? A m'la va mìga zò. A capìss ch'l'è 'na stòrja vécia (j'àn decìs tut cuand mi éra un putinén) e ch'l'è mìga demérit äd Vignäli, né d'Ubäldi, mo sjòr...a Rèzz... Da Milàn a Bològgna, e i's férmon a Rèzz! Mo l'éra Pärma la séde naturäla! Il sàn ànca i putén. J m'àn dit che alòra al sìnndich l'éra Stévon Lavagètt e ch'al sarìss stè lu a cavär zò il bräghi dednàns a Pròdi ch'al vräva la fermäda a Cuadronja. Mi 'n gh'éra mìga e a'n so mìga co' dìr. Adésa par mi la sarà 'na gran deluzjón vèddor bziär via la "Frissa ròssa" sénsa farmäros gnànca a tirär su un pramzàn. Pärma la vól la Metropolitàna, cmé 'na gran citè, e po l'à perdù la fermäda d'al Tav. 'N'umiljasjón ragàs! Mi a vagh a tór n'ätor Tàvor.
(Nelle foto, dall'alto: 1) Batistén Picén /by Sylvia Massera ©; 2) La "Freccia Rossa" dell'alta velocità)

Nessun commento: